10 ഏപ്രിൽ 2015, വെള്ളിയാഴ്ച 3 മണിമുതൽ രാത്രി 9. 30 വരെ ഹിലാലിലെ എഫ് സി സി ഹാളിൽ വച്ചു നടക്കുന്ന ക്യൂമലയാളം ബ്ലോഗേർസ് മീറ്റ് (സാഹിത്യസംഗമം) നിങ്ങളുടെ സാഹിത്യ ചര്‍ച്ചകളില്‍ പങ്കുചേരാനും വായനാനുഭവം പങ്കുവയ്ക്കാനും നിങ്ങള്‍ ഏവരുടെയും സാന്നിദ്ധ്യം ക്ഷണിക്കുന്നു

വായനയുടെ വസന്തത്തിലേക്ക് സ്വാഗതം *************** വായിക്കപ്പെടാതെ പോകുന്ന എഴുത്തിന്റെ, കേൾക്കാതെ പോകുന്ന വായനയുടെ സ്പന്ദനങ്ങൾക്ക് ക്യൂ മലയാളം കാതോർക്കുന്നു. വായന തളിർക്കുകയും പൂക്കുകയും കായ്ക്കുകയും ചെയ്യുന്ന ഒരു പൂക്കാലത്തെ നമുക്ക് തിരിച്ചുപിടിക്കാം. 10 ഏപ്രിൽ 2015, വെള്ളിയാഴ്ച 3 മണിമുതൽ രാത്രി 9. 30 വരെ ഹിലാലിലെ എഫ് സി സി ഹാളിൽ വച്ചു നടക്കുന്ന ക്യൂമലയാളം ബ്ലോഗേർസ് മീറ്റ്ല്‍ 'മലയാള സാഹിത്യത്തിലെ നവധാരകള്‍/നവ സാമൂഹ്യമാധ്യമങ്ങള്‍ ജനാധിപത്യത്തിലെ അഞ്ചാം തൂണോ' തുടങ്ങിയ പരിപാടികള്‍ക്കൊപ്പം ‘വായനയുടെ വസന്തം’ എന്ന പേരിൽ നിങ്ങളുടെ വായനാനുഭവം പങ്കുവയ്ക്കാനും തുടർന്ന് നടക്കുന്ന ചർച്ചയിൽ പങ്കെടുക്കാനും അവസരമൊരുക്കുന്നു. മൊത്തം ഒന്നര മണിക്കൂർ സമയം അനുവദിച്ചിട്ടുള്ള ഈ സെഷനിൽ 5 മുതൽ 7 വരെ മിനിറ്റാണ്‌ ഓരോരുത്തർക്കും അവരവരുടെ വായനയിൽ തങ്ങളെ സ്വാധീനിച്ച ഒരു പുസ്തകാനുഭവം പങ്കുവയ്ക്കാൻ നീക്കിവയ്ച്ചിട്ടുള്ളത്. തുടർന്ന് സദസ്സിനു ചർച്ചയ്ക്കുള്ള അവസരമാണ്‌. വായനാനുഭവത്തിലും ചർച്ചയിലും സജീവമായി പങ്കെടുത്ത് ‘വായനയുടെ വസന്തം’ ഫലവത്തായൊരു അനുഭവമാക്കി മാറ്റാൻ നിങ്ങളെ പ്രോഗ്രാം കമ്മിറ്റിക്ക്‌ വേണ്ടി സ്നേഹപൂർവ്വം സ്വാഗതം ചെയ്യുന്നു. വരൂ, വായനയിലൂടെ നവീകരിക്കപ്പെടൂ.... വായനാനുഭവം പങ്കുവെക്കുന്നവരും പുസ്തകങ്ങളും:- 1. ആൾക്കൂട്ടം - ആനന്ദ്‌ - നിസാർ 2. രണ്ടാമൂഴം- എംറ്റി- റിയാസ്‌ അഹ്മദ്‌ 3. സംസ്കാരത്തിലെ സംഘർഷങ്ങൾ- കെ ഇ എൻ - ബീജ വീസി 4. ആടിന്റെ വിരുന്ന് - മരിയാന യോസ - ശ്രീകല പ്രകാശൻ 5. ജൈവമനുഷ്യൻ- ആനന്ദ്‌- സുധീർ എം എ 6. ആരാച്ചാർ - കെ ആർ മീര - അജിത ഉസ്മാൻ 7- മൂന്നാമിടങ്ങൾ - മണികണ്ഠൻ - ഷീലാടോമി 8. കേരളത്തിലെ ആഫ്രിക്ക - കെ പാനൂർ - കൊളച്ചേരി കനകാംബരൻ 9. ജാതിവ്യവസ്ഥയും കേരള ചരിത്രവും- പികെ ബാലകൃഷ്ണൻ - മനോജ്‌ PA 10. നനക്ഷത്രങ്ങളേ കാവൽ - പത്മരാജൻ - സ്മിത ആദർശ്‌ 11. വീരാൻകുട്ടിയുടെ കവിതകൾ - വീരാൻകുട്ടി - ഹാരിസ്‌ എടവന അങ്ങനെ ഒരിക്കല്‍കൂടെ എല്ലാ സഹൃദയ-സര്‍ഗ്ഗാത്മക വ്യക്തിത്വങ്ങളെയും പരിപാടിയിലേക്ക് സ്വാഗതം ചെയ്യുന്നു. നാമൂസ് പെരുവള്ളൂർ