ദിവസം കുറേ ആയി വിചാരിക്കുന്നു... വേണ്ടപ്പെട്ടവർ ആരെങ്കിലും ഒന്നു മരിച്ചെങ്കിൽ...!!!
അപ്പൂപ്പൻ തന്നെ മരിക്കണം... അതാ ഇപ്പൊ ട്രെൻഡ്...!! വെള്ളത്തുണിയിൽ പൊതിഞ്ഞ അവരുടെ 'റോക്കിംഗ്' കിടപ്പൊന്നു കാണാൻ പറ്റിയിരുന്നെങ്കിൽ... ആ കിടപ്പിനൊപ്പം പുതിയ ഐ ഫോണിൽ ഒരു സെൽഫി...!! വൗ.. വാട്ട്‌ എ സൂപ്പെർബ് മോമെന്റ് വിൽ ബീ ദാറ്റ്‌...!!
അതിനു ഒരു നല്ല കാപ്ഷൻ വേണം..
"ലാസ്റ്റ് സെൽഫി വിത്ത്‌ മൈ അപ്പൂപ്പൻ" എന്നായാലോ...??
ആ പോസ്റ്റിനു താഴെ എന്റെ ഫ്രീക്ക് മച്ചാന്മാർ ഇടുന്ന ലൈക്ക്കളും "പൊളിച്ചു ബ്രോ" എന്ന കമന്റുകളും ഓർക്കുമ്പോ തന്നെ കോരിത്തരിക്കുന്നു...!!
ഞാൻ അപ്പൂപ്പന്റെ റൂമിൽ പോയി നോക്കി... പുള്ളി നല്ല ഉഷാറായി ഏതോ ഒരു പത്രം വായികുകയാണ്....! ഓരോ വട്ടു കേസേ... ഇതിനുമാത്രം എന്താണാവോ അതിലൊക്കെ ഇങ്ങനെ വായിക്കാൻ...!! ഈ ഓൾഡ്‌ ജനറേഷൻ ഒട്ടും ടെക്നോസാവികൾ അല്ല...
"സ്റ്റിൽ ദേ യൂസ്‌ഡ് ടു റീഡ് ന്യൂസ്‌ പേപ്പേർസ്... "
പൊളിറ്റിക്സ് ആവും വിഷയം..
"ഐ ഡോണ്‍റ്റ് നോ വാട്ട്‌ ദിസ്‌ ബ്ലഡി പൊളിറ്റിക്സ് ഈസ്‌......"
എന്താണാവോ അതിലൊക്കെ ഇത്രയും കാര്യം.. എന്തിനാണാവോ ഈ മന്ത്രിമാരും രാഷ്ട്രീയക്കാരുമൊക്കെ...??
എനിക്ക് വേണ്ടതൊക്കെ ഈ ടൌണിൽ കിട്ടും.. കെ എഫ് സി... ഷോപ്പിംഗ്‌ മാൾ .. മൾടി പ്ലെക്സ് തീയറ്റർ... സ്വിമ്മിംഗ് പൂൾസ് എല്ലാം ചുറ്റും ഉണ്ട്....!!!
"ദെൻ വൈ വീ ബൊതെറിങ്ങ് എബൌട്ട്‌ ദി പൊളിറ്റിക്സ് ആൻഡ്‌ ഓൾ...??"
ചിന്തിച്ചുകൊണ്ടിരുന്നപ്പോൾ പെട്ടെന്ന് അപ്പൂപ്പൻ തലയുയർത്തി നോക്കി...!!
ശേ..എന്നെ കാണണ്ട..ഞാൻ മാറിക്കളഞ്ഞു...!! കണ്ടാൽ അപ്പൊ പറയും
"ഹാ അപ്പുക്കുട്ടാ.. ഇങ്ങു വാ..." എന്നൊക്കെ.. പിന്നെ ഫുൾ ഉപദേശിച്ചു ബോറടിപ്പിക്കും.. റൂമിൽ തന്നെ മൊബൈലും നോക്കി ഇരിക്കരുത്...ഫ്ലാറ്റിന്റെ പുറത്തു നടക്കാൻ പുള്ളിടെ കൂടെ പോകണം എന്നൊക്കെ...! വയസ്സാൻകാലത്ത് അങ്ങേർക്ക് വേറെ പണിയില്ലെന്നു കരുതി എന്നെക്കൂടി മെനക്കെടുത്താണോ...!! ഈവെനിംഗ് ടൈം ആണ് ഫ്രണ്ട്സിൽ കൊറെപേർ ചാറ്റിനു വരിക.. ആ ടൈം മിസ്സ്‌ ചെയ്യാൻ പറ്റില്ലെന്ന് പറഞ്ഞാൽ ഈ കെളവന് മനസ്സിലാവണ്ടേ...!! മമ്മി പലതവണ പറഞ്ഞതാ പപ്പയോട് അപ്പൂപ്പനെ ഓൾഡ്‌ ഏജ്‌ ഹോമിൽ കൊണ്ടു വിടാൻ... പക്ഷേ പപ്പക്ക് എന്തോ ബ്ലഡി സെന്റിമെന്റ്സ് ആണെന്നും മമ്മി പറയുന്നുണ്ടായിരുന്നു..!! അതെന്താണാവോ...??
ബട്ട് ഇപ്പൊ പപ്പയും കാര്യങ്ങൾ റിയലൈസ്‌ ചെയ്തു തുടങ്ങിയെന്നു തോന്നുന്നു...
ഫ്യൂച്ചെറിൽ പപ്പക്കും മമ്മിക്കും നല്ല ഓൾഡ്‌ ഏജ്‌ ഹോം കണ്ടു പിടിച്ചു കൊടുക്കണം.. അവർക്ക് ഒരു കുറവും ഉണ്ടാകരുത്...!!
അപ്പൂപ്പൻ പപ്പയെ പറ്റി പറയുന്നത് കേട്ടു.... പ്രയമായപ്പോ എന്നോട് നിനക്ക് സ്നേഹമില്ല.. നിന്നെ കണ്ട് നിന്റെ മകനും വളരുന്നുണ്ട് എന്നൊക്കെ...!! സൊ അങ്ങനെയൊരു ഡയലോഗ് എന്റെ പാരെൻസ് പറയരുത്....
കിട്ടാവുന്നതിൽ ഏറ്റവും ബെസ്റ്റ് ഓൾഡ്‌ ഏജ്‌ ഹോം തന്നെ ഞാൻ അവർക്ക് കൊടുക്കും.. എന്ജോയ്‌ ചെയ്യട്ടെ അവർ...!!..!!
"അപ്പൂസ്... വേർ ആർ യു...?? കം ഹാവ് യുവർ ഹോർലിക്സ്..." മമ്മി വിളിക്കുന്നു....
"ഹാ മമ്മീ.. ഞാൻ അപ്പൂപ്പന്റെ മുറിയിലായിരുന്നു..."
"ഹൌ മെനി ടൈംസ്‌ ഐ ടോൾഡ്‌ യു...? ആ മുറിയിൽ പോകരുതെന്നു...? ഫുൾ വൃത്തികേടായിരിക്കും അതിനുള്ളിൽ.. ആൻഡ്‌ ഈ ഓൾഡ്‌ ഏജ്ഡ് പീപ്പിൾസ് ചുമക്കുമ്പോൾ ബാക്ടീരിയാസ് സ്പ്രെഡ് ആവും... ദേ ഡോണ്ട് നോ ദി ഗുഡ് കൾച്ചർ... സൊ ഇനി നീ അവിടെ കയറിയെന്നറിഞ്ഞാൽ... ഹാ ബാക്കി അപ്പൊ തരാം...!!"
"ഹോ.. നോ മമ്മീ... ഐ വാസ് തിങ്കിങ്ങ് എബൌട്ട്‌ ദി ഓൾഡ്‌ ഏജ്‌ ഹോം...."
"അത് നീ ചിന്തിച്ചിട്ടെന്തിനാ.... നിന്റെ പപ്പയോട് പറഞ്ഞു പറഞ്ഞു ഞാൻ മടുത്തതാ.... "
മമ്മിയുടെ മുഖത്തെ സങ്കടം കണ്ടപ്പോ എനിക്കും വിഷമമായി... ഞാൻ പറഞ്ഞു...
"മമ്മി യു ഡോണ്ട് വറി... മമ്മിക്കും പപ്പക്കും വയസ്സാകുമ്പോഴേക്ക് , ഐ സ്വേർ.. ഞാൻ ഒരു നല്ല ഓൾഡ്‌ ഏജ്‌ ഹോം കണ്ടുപിടിച്ചു തരും....!! "
മമ്മി എന്റെ സ്നേഹം കണ്ടു എന്നെ കെട്ടിപ്പിടിച്ചു കിസ്സ്‌ ചെയ്യുമെന്നാണ് ഞാൻ കരുതിയത്.. ബട്ട് മമ്മി എന്നെ തല്ലുകയാണ് ചെയ്തത്...!! പിന്നെ മിണ്ടിയുമില്ല....!!
ഇപ്പോഴും ഐ ഡോണ്ട് നോ വൈ മമ്മി വാസ് സൊ ക്രുവെൽ ടു മീ....???
No comments:
Post a Comment